Fraktfritt ved kjøp for minst kr 398,-   Sjå vilkår

Mange av dei mest kjende norske kunstmålarane på 1800-talet måla bilete frå Kinn. Dette kan ha inspirert Seim, som i ungdomen tok til å måle. Han var i 1909 ein av dei første elevane ved Statens Kunstakademi i Kristiania, med Christian Krohg som lærar. Seim debuterte på Høstutstillingen i 1912. Bileta hans av kystnatur og sjøfuglar vekte oppsikt på ei rad utstillingar i Bergen og Kristiania. I 1921 var han på studiereise til Paris.

Harald Seim var aktiv kunstmålar heile livet og laga fleire tusen oljemåleri og akvarellar. Han måla mykje i Florø og elles i Sunnfjord, i Sogn og i Nordfjord - då særleg i Ålfoten og Hyen. 

Dette er den første boka om denne særmerkte kunstnaren, og er rikt illustrert med kring 90 kunstverk og kring 40 foto.