"Eit tidsrom" er den femte diktsamlinga til Finn Egil Eide (f. 1940) sidan debuten i 1987. Dikta vekslar mellom konkrete sansingar og meir reflekterande tekstar. Identitet, landskap og tid er tre viktige motiv som vert repeterte og spelte ut mot kvarandre. Til saman vert dette ein mangfaldig vev, der fleire stemmer og stemningar kling saman i ein spennande heilskap.
Etterord ved Ove Eide der Finn Egil Eide vert presentert både som lyrikar og bildekunstnar. Boka er illustrert med Finn Egil Eide sine eigne bilde.
