Presentasjon av boka. Sal og signering. Gratis inngang.
Arr: Fiskerisogenemnda i Bremanger
Boka kjem ut til hundreårsjubiléet til Bremanger Fiskarlag, som var skipa i 1918. Boka fortel historia om fiskerinæringa på sjø og land i bygdene som utgjer dagens Bremanger kommune - frå dei første fiskebåtane fekk motor og fram til i dag. Det er ei historie om oppgangstider, nedgangstider og omstillingar som mange norske fiskerisamfunn har til felles. Fleire hundre fiskebåtar er omtala og er med i eit register til slutt i boka. Boka er rikt illustrert med gamle og nye foto.
Magnus Helge Torvanger (f. 1951) er oppvaksen i Bremanger og busett i Florø. Han har vore journalist og informasjonskonsulent og er fagbokforfattar med ei rekkje bøker om fiskeri- og kysthistorie bak seg.
