Feirar jubileum med ny bok

"Frøya kyrkje i Bremanger 150 år",heiter boka som er ført i pennen av Paul Ragnar Frøyen frå Kalvåg.

Boka fortel både om kyrkja og prestegarden, prestane, og om bruken av kyrkja i kvardag og fest. Her er også fyldig informasjon om bedehuset, barne- og ungdomsarbeidet, losjane og musikklivet knytt til Frøya kyrkje.

Kyrkja på Frøyalandet stod ferdig i 1865. Anders Askevold var arkitekt og måla altertavla. Få år seinare vart Nikolai Astrup fødd i prestegarden på Frøya, der far hans var prest.