Fraktfritt ved kjøp for minst kr 398,-   Sjå vilkår

Isak var ein av heile 2606 stryningar som utvandra gjennom vel 100 år. Dette tilsvarar meir enn halvdelen av folketalet i Stryn i år 1900. Denne boka inneheld namn og detaljopplysningar om alle utvandrarane frå Stryn. Dessutan får vi ei skildring av Stryn på 1800-talet, ein analyse av kven utvandrarane var, og ei drøfting av kvifor dei reiste til USA. Vi får høyre om den strabasiøse reisa over havet, og om korleis livet arta seg i det nye landet.

For Isak var det eit dramatisk val å utvandre. Og for Stryn, som for dei fleste bygder, er det knapt noko historisk fenomen som har hatt så mykje å seie som folkevandringa over havet. Det er mest ikkje ein gard eller plass der det ikkje har utvandra folk i frå. Og dei fleste stryningar har slekt “over there”.

Boka er rikt illustrert med kring 170 gamle og nye foto, grafiske illustrasjonar og nyteikna kart.